Bibitaying Pinay sa Kuwait maisasalba

Posibleng makaligtas sa parusang bitay ang isang Pinay domestic helper na nakapatay sa kanyang among Kuwaiti dahil hawak ngayon ng pamahalaan ang isang matibay na ebidensiya na magliligtas dito at isa na ang pagkakaroon umano nito ng diperensiya sa pag-iisip kaya naisagawa nito ang nasabing krimen.

Kasalukuyang nasa Kuwait si VP Noli de Castro upang siyang umasikaso sa kaso ni Marilou Ranario. Nasa Kuwait din ang grupo ng mga dalubhasa sa National Center for Mental Health upang suriin si Ranario at patunayang wala ito sa katinuan nang masaksak at mapatay ang kanyang amo. (Ellen Fernando)