MRT daming ads sa tren,abiso sa fare increase nakalimutan

Dapat ipaliwanag ng Metro Rail Transit (MRT) management sa kanilang mga commuter ang ginawa nitong biglang pagtataas ng kanilang singil ng walang abiso gayong sangkaterba ang kanilang ads sa kanilang mga tren.

Sinabi ni Sen. Ralph Recto, karapatan ng mga pasahero na malaman ang naging dahilan ng pagtataas ng pasahe ng MRT at hindi dapat ito biglaan na ginagawa kung saan ay 68 percent ang kanilang naging increase.

Ayon kay Sen. Recto, nagkalat sa loob ng tren at kanilang mga istasyon ang sari-saring mga advertisement ng iba’t ibang produkto pero nakalimutan nilang maglagay ng abiso sa kanilang mga pasahero na magtataas sila ng pasahe. (Ulat ni Rudy Andal)