Pagtaas ng matrikula ipagpaliban - Gordon

Dahil sa patuloy na pagtaas ng presyo ng bilihin at ang napipintong pagtaas sa singil sa pasahe, nanawagan si senatorial candidate Dick Gordon na ipagpaliban ng mga paaralan ang pagtaas sa matrikula.

Ipinaliwanag ni Gordon na ang patuloy na pagtaas ng matrikula sa pribado’t pampublikong paaralan ay maaring makaapekto sa kalidad ng workforce at pagsulong ng ekonomiya ng Pilipinas.

Si Gordon, na patuloy na rumaratsada sa mga mock elections ng iba’t ibang unibersidad sa buong bansa, ay nagsabing gagawa siya ng mga hakbang sa Senado di lamang upang ipagpaliban ang pagtaas sa matrikula kung hindi pati na rin ang mga financial concerns ng mga paaralan nang hindi naman ito tuluyang malugi. (Ulat ni Ellen Fernando)