Lantin isusunod kay Lastimoso

Matapos ang pagkakatanggal sa puwesto ni Land Transportation Office chief Roberto Lastimoso, isusunod na sibakin ng administrasyong Arroyo si Land Transportation Franchising and Regulatory Board Chairman Dante Lantin.

Ito ang inihayag ng isang mapapanaligang source at sinabing si Department of Transportation and Communication (DOTC) spokesman ret. P/Dir. Thompson Lantion ang ipapalit kay Lantin.

Si Lantin ay naging chairman ng LTFRB noon pang l986.

Bago ang pagsibak kay Lastimoso, nabatid na inalis na rin bilang hepe ng Road Transport Planning Policy Division si Arnel Manresa.

Si Manresa ay ginawang hepe ng Telephone Office, ang sangay ng DOTC na namamahala sa pagbibigay ng linya ng telepono sa mga liblib na barangay. (Ulat ni Edwin Balasa)