JDV problemado agad kung magiging Speaker

Kompiyansa si Pangasinan Rep. Jose De Venecia Jr., na mananalo bilang Speaker of the House matapos na makakuha ng maraming suporta sa ibat-ibang partido.

Subalit problemado agad ito dahil hindi niya alam kung paano hahatiin ang limitadong komite at ilang posisyon sa House of Representatives.

Isang halimbawa na rito ang oposisyong Nationalist People’s Coalition (NPC) na nagbigay ng suporta kay JDV at humihingi umano ng 15 komite kabilang na dito ang makapangyarihang appropriations committee na ang trabaho ay magbigay ng budget proposal sa Malacañang.

Pero ayaw pumayag ng Lakas na ibigay ang nasabing komite sa NPC na itinatag ng negosyanteng si Eduardo Cojuangco Jr. (Ulat ni Jess Diaz)