P18 B sequestered assets ibebenta

Inaasahang aabot sa may P18 bilyon ang maaaring kitain ng gobyerno sa planong pagbebenta ng Presidential Commission on Good Government (PCGG) sa mga sequestered assets, kabilang na ang mga alahas ng pamilya Marcos kapag tuluyan na itong naaprubahan ng Bureau of Customs.

Ayon kay PCGG Commissioner Jorge Sarmiento, kasalukuyan pa nilang isinasailalim sa imbentaryo ang mga alahas na nakuha sa mga Marcoses at plano nilang i-bid sa mga sosyal na jewelry stores sa ibang bansa tulad ng Christie’s sa US at Sotheby’s sa London o di kaya’y sa Singapore.

Inihayag rin nito na isasailalim rin nila sa public auction sa pagtatapos ng taong ito ang iba pang na-sequester na mga ari-arian tulad ng Baguio Properties, share ng stock sa Manila Electric Co., Express Telecoms Philippines Inc., Oceanic Wireless Network, Inc. at Channel 13 tv station.

Naka-schedule sa susunod na taon ang bidding ng isa pang government tv station na Channel 9. (Ulat ni Danilo Garcia)