Lacson napikon sa demolition job

Sinabi kahapon ni dating Philippine National Police Chief Panfilo Lacson na demolition job lang ang pagdadawit sa kanya ni National Bureau of Investigation Director Reynaldo Wycoco sa misteryosong pagkawala ng public relations man na si Salvador "Bubby" Dacer at sa driver nitong si Emmanuel Corbito.

Pinuna ni Lacson na, dahil kumakandidato siyang senador, marami sa kanyang mga kritiko ang gustong wasakin ang kanyang tsansa na pumasok sa Magic 13 sa senatorial election. Iginiit ni Lacson na malinis ang kanyang kunsiyensiya at wala siyang kinalaman sa pagkawala ni Dacer. (Ulat ni Joy Cantos)