Rama mihimakak sa mga alegasyon sa upat ka kawani sa city hall

CEBU, Philippines — Si Cebu City Mayor Michael Rama kinsa gipahamtangan og unom ka buwan nga preventive suspension niduso sa iyang counter affidavit ngadto sa Office of the Ombudsman nga nag-awhag nga tangtangon ang suspensiyon batok kaniya.

“I vehemently deny all the allegations made by Complainants for reasons discussed exhaustively below,” gikutlo gikan sa 22 ka pahina nga counter affidavit ni Rama nga gisang-at ngadto Office of the Ombudsman nga nadawat niadtong Mayo 22, 2024.

Sa dokumento nga nakuha sa The Freeman/Banat News nagpakita nga ang counter-affidavit nagkanayon nga sa tanang operasyon nga naglambigit sa Civil Service Commission (CCSC), aduna siyay “right to completely rely” sa mga aksyon nga gihimo sa iyang mga sakop.

Kini sama sa Human Resource Development Office (HRDO) nga matud niya, maoy haom nga departamento sa pagdumala sa mga kalihokan sama sa wa mabayri nga sweldo sa upat ka reklamante nga maoy ugat aning ilang pagkasuspenso.

Gisaysay niya sa iyang counter affidavit ang mga aksyon nga gihimo sa executive department gikan sa reassignment order lakip na ang iyang kaandam nga mohatag og financial assistance ngadto sa mga reklamante ug sa pagbayad sa kantidad sa ilang kinatibuk-ang wala mabayri nga sweldo.

“While I maintain the validity of the reassignment orders concerning the Complainants, al other actions concerning the processing, indexing, and release of Complainants' payrolls were done without my involvement whatsoever. I can hardly surmise how I am administratively liable,” matud pa sa affidavit ni Rama.

Dugang pa, gikutlo usab ni Rama nga ang kaso kinahanglan nga "mabasura tungod sa kakulang sa merit" kung ang reklamante mapakyas sa pagpakita og balidong rason nga tinuod ang mga akusasyon nganha kaniya.

Nangatarungan ang mayor nga walay basehanan ang kasong Grave Misconduct nga nalakip sa mga reklamo nga gipasaka batok kang Rama.

“I cannot be liable for grave misconduct in relation to the Reassignment Orders because the CSC decisions are not yet final and executory,” matud pa sa affidavit ni Rama.

“I did not commit grave misconduct as regards Complainants' salaries because I am not involved in the payroll process; and ordered the processing and indexing thereof as soon as I heard of such delay,” dugang niya.

Sa samang paagi, si Rama nangatarungan usab nga dili siya liable sa lain pa nga mga kaso batok kaniya nga mao ang - Grave Abuse of Authority (Oppression), Conduct Unbecoming of Public Officer, Conduct Prejudicial ot the Best Interest of the Service, ug Paglapas sa Code of Conduct ug Ethical Standards para sa mga opisyal ug kawani sa gobiyerno.

Si Rama ug laing pito ka mga opisyales sa Cebu City Hall nasuspenso og unom ka buwan gumikan sa reklamo sa upat ka regular nga empleyado sa City Hall ubos sa City Assessor's Office---Filomena Atuel, Maria Almicar Diongzon, Sybil Ann Ybanez, ug Chito Dela Cerna.

Si Atty. Si Luis A. Vera Cruz, Jr., legal counsel ni Rama miingon usab sa usa ka pamahayag nga si Rama nitumbok sa iyang counter-affidavit nga ang mga buwan nga wala mabayri nga suweldo nga gitaho kaniadto “sayup.”

Matod niya nga ang suweldo sa mga empleyado gikan sa Enero hangtud Abril 2024 o upat ka buwan, nabayran na samtang ang ilang suweldo gikan sa Hulyo hangtod Disyembre 2023 naproseso na kaniadtong Abril 24, 2024.

Dugang pa, si Cruz miingon usab nga sa samang adlaw, Abril 24, 2024, o duha ka semana sa wala pa mogawas ang balita bahin sa preventive suspension, si City Administrator, Atty. Collin Rosell mihangyo na ngadto sa City Council pinaagi sa Budget and Finance Chairperson, Noel Wenceslao sa pag-issue og resolusyon sa pag release sa kantidad alang sa sweldo sa mga reklamante gikan sa Hulyo 1, 2023 hangtod sa Disyembre 31, 2023.

Dugang pa, si Cruz miingon usab nga si Rama misalig nga si Ombudsman Samuel Martires , nga pinaagi sa mga katin-awang gihatag momando kini sa paglibkas sa suspensyon ug ibasura ang reklamo.

Apan kun si kanhi presidente Rodrigo Roa Duterte maoy pasultihon, kaning suspension ni Rama ug ni Davao del Norte Governor Edwin Jubahib, “a collateral damage” kini sa pagsuporta nila sa iyang prayer rallies.

Daghan ang mga nagduda bahin aning kalit nga suspensyon ni Rama, apan si Duterte nagtuong may bulok politika ang nahitabo. “Innocent government workers were either relieved or suspended as collateral damage to these rallies including Davao del Norte Gov. Edwin Jubahib and Cebu City Mayor Michael Rama,” matud pa ni Duterte.

Atol sa prayer rally sa Cebu City niadtong Pebrero, mipatim-aw si Rama ug nag-ampo nga magkahiusa ang tanan ug mipadayag sab siya sa iyang suporta sa Uniteam nilang Presidente Bongbong Marcos ug Bise Presidente Sara Duterte. — The Freeman/IBM (BANAT NEWS)