Pagpanghatag og ayuda sa Carcar LGU gikwestyon
CEBU, Philippines — Ang pagpalit sa lokal nga kagamhanan sa dakbayan sa Carcar og nagkadaiyang suplay sa pagkaon alang sa pagpanghatag og ayuda nga moabot sa kapin P3 milyones ang gialmahan sa Commission on Audit (COA).
Kini gumikan kay walay listahan sa mga benepisyaryo o sa makadawat sa maong ayuda nga mga suplay sa pagkaon, diin sumala sa state auditors “inconsistent” sa seksyon 4(6) sa Presidential Decree no. 1445 nga nagsaysay nga “claims against government funds shall be supported with complete documentation”.
Ang LGU mipalit og sumatotal P3, 988, 230.35 nga kantidad sa food supplies.
“thus, management find it difficult to prove the regularity of distribution and if indeed there was distribution of relief goods” matud sa COA report sa LGU Carcar sa tuig 2023.
Tungod niini ang COA mirekomendar sa City General Services Office (CGSO) nga mosumiter sa kulang nga mga dokumento.
“CGSO to indicate in the distribution list to be acknowledge by the recipient complete information, such as details of the goods/ items distributed with their corresponding quantities and the actual date of distribution” dugang rekomendasyon sa COA.
Girekomendar usab sa COA ngadto sa City Accountant nga i-reclassify ang wala magamit nga balanse sa financial assistance. Samtang ang Local Disaster Risk Reduction and Management Officer kinahanglan sab nga iapil ang resibo ug nagamit nga financial assistance sa Report on Utilization niini.
Sa resulta sa evaluation sa COA, nakahimo na og “adjustment ang Accountant samtang ang wala magamit nga pondo nga miabot sa P383, 794.40 nga nabalik na sa tinubdan nga ahensya kon asa gikan ang maong pondo. — /MEL (BANAT NEWS)
- Latest
