Comelec sa Carcar mopadayon og susi sa voting centers

CEBU, Philippines — Ipadayon sa sunod buwan sa Commission on Election Carcar City ang pagsusi sa mga voting center nga gamiton alang sa national and local elections sa Mayo 2025.

Kini ang gibutyag ni Carcar City election officer Omar Sharif Mamalinta.

Matud ni Mamalinta nga nakahimo na sila pagsusi sa lima ka tunghaan uban sa BFP Carcar ug Repair and Management Department sa Carcar City LGU.

Si Mamalinta nagkanayon  nga aduna sila’y15 pa ka susihon nga gamiton isip voting centers panahon sa election pagsuta kong aduna pay kinahanglan nga ayohon.

 Ug ilang gipaniguro nga hayag ang matag voting centers ilabi na nga maabtan og gabii ang pagbotar sa mga botante.

Gipahibalo ni Mamalinta nga nakapahigayon na usab sila sa ilang ACM roadshow nga gihimo sa Carcar City People's Hall subay sa gipahigayon nga Youth Congress sa nilabay nga adlaw nga gitambongan sa 1,000 ka kabataan. (BANAT NEWS)