Bayanihong buhat ni Dr. Jose Rizal gihandum sa mga LGUs sa Sugbo

CEBU, Philippines — Gihandum sa mga lokal nga kagamhanan sa Sugbo ang kinabuhi ug ang legasiya ni Dr. Jose Rizal atol sa Rizal Day kagahapon Disyembre 30.

Sa ika-128th nga martyrdom anniversary, gihimo ang re-enactment sa Plaza Sugbo diin gipakita ang katapusang hugna sa kinabuhi ni Dr. Rizal atol sa iyang pagbitay didto sa Bagumbayan diin giatubang niya ang iyang kamatayon nga walay kahadlok apan adunay dignidad.

Gitambungan kini ni Bise Mayor Donaldo Hontiveros, Konsehal Joel Garganera ug Konsehal Atty. Rey Gealon.

“We honor not only the sacrifice of a national hero, but also the enduring ideal of love for country, selflessness and courage that he passionately upheld. This year’s theme “Sa Bagong Pilipinas: Buhay at Aral Aming Nilalamdas” calls upon us to reflect on Rizal’s life and legacy. It is a powerful reminder that in the face of challenges, we must strive for unity, resilience, and hope just as Rizal envisioned for our country”, suma ni Konsehal Gealon atol sa iyang speech.

Alang kang Bise Mayor Hontiveros, angay nga handumon si Dr. Rizal pinaagi sa pagsunod sa mga gibilin nga hiyas pinaagi sa tinarong nga pagserbisyo sa nasud. Moalagad nga walay personal nga interes ug motutok sa pagbuhat og kaayuhan alang sa tanan.

Dugang pa nga ni Hontiveros nga unta maghatag sab og kadasig ang mga pagtulun-an nga gibilin ni Dr. Rizal ug ipadayon ang maayong panaad sa pagtrabaho alang sa mas hayag nga kaugmaon sa katawhang Pilipino.

Sa siyudad  sa Lapu-Lapu  ang kalihokan gipahigayon sa Plaza Rizal  sa Barangay Poblacion sayo sa buntag  ug maoy nangulo sa kalihokan si  Konsehal Annabeth Cuizo acting mayor sa dakbayan tungod kay naka leave si Mayor Chan ug Congresswoman

Sa iyang mensahe ni Konsehal Cuizon nilakbit sa paghisgot sa kabayanihon ni Dr. Jose Rizal diin gihimo usab niya nga ehemplo si Datu Lapu-Lapu dinhi sa Sugbo.

Samtang sa Mandaue City Heritage Plaza atubangan sa monumento ni Dr. Jose Rizal gihimo ang pagtimaan sa Rizal Day sa siyudad sa Mandaue. 

Agi og pagtimaan sa bayanihon nga buhat ni Dr. Jose Rizal ang mga opisyales ug mga department heads sa Mandaue City naghalad og buwak sa monumento ni Dr.  Jose Rizal. (BANAT NEWS)