Free Wi-Fi sa kabarangayan sa Mandaue gihingusgan

CEBU, Philippines — Nagpadayon karon ang kagamhanan sa siyudad sa Mandaue sa paghingusog sa gitinguha niining libreng Wi-Fi sa mga molopyo sa kabarangayan sa dakbayan.

Suma pa ni mayor Glenn Bercede nga ang paghatag og libreng Wi-Fi sa mga molopyo sa kabarangayan dako kaayo og ikatabang alang sa kalamboan.

Dugang pa ni Bercede nga nakatabang kini sa mga tinun-an nga dili na mogawas sa ilang panimalay panahon sa kagabhion.

Sa nasayran ang maong programa una kining gisugdan sa administrasyon ni dismissed mayor mayor Jonas Cortes ug gipadayon ni mayor Bercede.

Ang free Wi-Fi sa Mandaue City naghatag og access sa mga barangays, public schools, ug public markets, ug paghatag og kasayon ug pagsiguro sa connectivity niini.

Sa kasamtangan ang mga barangay nga adunay libreng Wi-Fi mao ang barangay Looc, Cambaro, Centro, Mantuyong, Guizo, Alang-Alang, Ibabao-Estancia, Casuntingan, Maguikay, Bakilid, Tipolo, Cabancalan, Tingub, Labogon, Basak, Tawason, Cubacub, Jagobiao, Pagsabungan ug Canduman.

Samtang ang mga public schools nga adunay Access Points: mao ang Guizo Elementary School, Mandaue Central School, Mandaue Comprehensive National Highschool, Bakilid Elementary School, Maguikay Elementary School, Cabancalan Elementary School, Cabancalan National High School, Canduman National High School, Leonard Wood Elementary School, Labogon Elementary School ug Don-Calixto Elementary School.

Sa mga government offices o locations nga adunay Access Points: mao ang Mandaue Hall of Justice, Mandaue Public Market, Mandaue Plaza, Public Library, Mandaue City Sports Complex, Ibabao Agricultural Park, Canduman Public Market.

Ang Free Wi-Fi sa Mandaue City namugna sa paningkamot sa Mandaue City uban sa Management Information Systems Office aron katabangan ang mga Mandauehanon nga adunay access sa digitalization.

Sa pag access sa Free Wi-Fi dili na kinahanglan ang pag-download sa Move Mandaue App, tan-awa lang ang Mandaue City Public Wi-Fi ug libre na ang pagamit sa internet bisan unsang orasa. — /MEL (BANAT NEWS)