Basubas compound riverside sa Brgy Tipolo duna nay footbridge

CEBU, Philippines — Aduna nay footbridge o taytayan nga magamit ang mga molopyo sa Basubas Compound Riveside sa Barangay Tipolo sa Siyudad sa Mandaue.

Gihangop sa mga molopyo ang pagbutang sa taytayan tungod kay matud pa aduna na silay magamit og kaagian sa matag adlaw ilabi na kun mag-uwan ug masinate ang pagbaha sa lugar.

Ang footbridge naghatag sa mga residente og seguridad ug luwas nga agi-anan aron makalabang sa sapa.

Gitambongan ni suspended mayor Jonas Cortes ang pormal nga pag turn-over sa footbridge uban ni acting Mayor Glenn Bercede kinsa padayon nga nipatuman sa mga proyekto ug programa nga nasugdan sa Mandaue City.

Samtang ang mga konsehal sa dakbayan gipanguluhan ni Jimmy Lumapas ug ABC president Dante Borbajo, konsehal Malcolm Sanchez, Editha Cabahug ug uban pa ang misuporta usab sa maong proyekto. — /MEL (BANAT NEWS)