Dunay reward sa makatug-an sa nag-vandal sa corals sa Virgin Island
CEBU, Philippines — Bohol Governor Erico Aris Aumentado, nitanyag ug P200mil nga reward sa makahatag ug identity sa boatman ug tour guide uban sa mga langyaw nga gituohan nga responsable sa pag bandal-bandal sa mga corals sa Estaca Snorkeling Site sa Virgin Island Panglao Bohol.
Matud pa sa post sa gobernador sa social media para sa iyang mga sano ug sana nga Bol-anon nga kontakon lang siya sa numero nga iyang gipaambit sa higayon nga aduna silay kasayuran o kaila sa maong boatman ug tour guide.
Lakip sa gipakita sa gobernador sa iyang post mao ang video diin nagpakita sa pagpangabuso sa corals sa Virgin Island nga usa ka protected area.
Ang maong video nilanat og dos minutos kapin diin nakita nakita ang gihimo sa mga babaye ug lalaki nga langyaw nga naglakip sa pag vandal sa corals.
Si Aumentado nitug-an nga aduna na siyay information may kalabutan sa boatman ug tour guide.
Gipaneguro ni Aumentado nga aduna gayuy tukma nga imbestigasyon nga ipahigayon.
Samtang si Panglao Mayor Edgardo Arcay niluwat ug executive order no. 45 sa temporaryo nga pagpasira sa Estaca Snorkeling site. (BANAT NEWS)
- Latest
