Kapolisan nagtanum og kahoy sa brgy Tungkop

CEBU, Philippines — Nagkahiusa ang kapolisan nga mananom og kahoy didto sa Barangay Tungkop, lungsod sa Minglanilla.

Si Police Major Arieza Otida, hepe sa kapolisan  nibutyag nga uban nila ang taga Provincial Environment and Natural Resources Office (PENRO), KKDAT, surrenderees ug religious sector.

Mokabat sa 100 ka mga binhi ang ilang gitanum dinha sa yuta sa Tungkop.

Matud pa ni Otida nga kwarterly ilang himoon ang pero dako na kini og tabang ilabi na nga motubo na ang gipangtanom.

Usa kini ka paagi nga makatabang sa kalikupan ilabi na nga kanunay nga masinate ang pagbaha panahon sa ting-uwan.

Nagkanayon si Otida nga sa mosunod nga mga buwan adto nasab sila sa laing barangay mohimo sa kalihukan. /MEL(BANAT NEWS)