Walay natalang krimen sulod sa pipila ka semana
CEBU, Philippines — Ang Police Regional Office (PRO)-7 sukad niadtong Marso 1 hangtud kagahapon walay krimen nga natala.
Kini maoy gibutyag sa direktor sa PRO-7 Police Brigader General Albert Ferro diin zero crime rate ang tibuok Central Visayas.
Base sa natala sa PRO-7 kasagaran niini mao ang ilegal nga drugas ug walay bisan unsa nga sa 8-focus crime ang natala sama sa theft, robbery, physical injuries, carnapping ug uban pa.
“I am happy to announce that we don’t have any crime related incident recorded in the entire Central Visayas”, padayag ni Ferro.
Matud ni Ferro nga una kining higayon nga walay mga reported incident sa tibuok Central Visayas sulod sa halos usa ka buwan.
Gihulagway ni Ferro nga sama sa away sa boxing ni Senador Emmanuel “Manny” Pacquio ang kamingaw sa ilang talaan sa crime incident.
Tinguha ni Ferro nga mamentenar kini ilabi na sa panahon nga padayon ang pakigbatok sa covid-19 ug padayon usab ang panawagan sa opisyales nga magpabilin nga magpundo lang diha sulod sa panimalay.
Gipahimangno-an usab niya nga estriktohon ang pag-monitor ug pagpatuman sa curfew. /BDB (BANATNEWS)
- Latest
