Gamay ra nga LGUs ang dunay epektibong ADAC

CEBU, Philippines — Wala ra magkatunga sa kapin 50 ka mga lungsod ug dakbayan  sa tibook lalawigan sa Sugbo ang nakakuha og “high” functionality sa ilang Anti-Illegal Drug Council (ADAC) sumala sa Department of Interior and Local Government (DILG).

Base sa ADAC Audit Report nga gipresentar sa Jhoaden Lucero ang. Provincial Director sa DILG sa Sugbo sa tigom nga gipatawag sa gobernador uban ang mga mayor, 15 ka mga LGUs kansang mga ADAC ang “high functionality” samtang 11 ka mga LGUs ang “moderately high” niadtong tuig 2018.

Apil sa mga “high functionality” mao ang Poro ug San Remegio nga nakakuha og 100 nga score samtang Alegria, Borbon, Catmon, City of Bogo, City of Naga, Cordova, Daan Bantayan, Dalaguete, Danao city, Liloan, Samboan, San Fernando, ug Tabogon ang nakakuha og 87 ngadto sa 95 ang score.  Ang mga “moderately high functionality” mao ang Balamban, Badian, Boljoon, Consalcioin, Medellin, Moalboal, Pilar, Pinamungajan, San Francisco, Santander ug Sogod nga nakakuha og scores nga 72.5 hangtod 80.

“Those who are not in the list of high and moderately high functionality maybe at the moderately low or low functionality,” matud ni Lucero.

Apil sa mga indicators nga gipasunod sa DILG sa mga LGUs mao ang pag-organisar og City or Municipality Anti-Drug Abuse Council nga kanunay magtigom, pundo para sa anti-drug campaigns, mga proyekto ug programa batok sa illegal nga drugas ug uban pa.  /IBM (BANATNEWS)