Armas ug shabu, 12 ka tawo nadakpan

CEBU, Philippines — Nasakmit  ang amas ug mga pinaketeng  shabu  gikan  sa 12  ka mga tawo nga nadakpan  sa managlahing anti-illegal drugs operations  sa kapolisan  sa Lapu-Lapu  City  Police  Office (LLCPO) ug kapolisan   sa  Lungsod  sa Cordova.

Si  Police Major  Narciso  Abapo  nga maoy  hepe  sa Presinto  2   sa LLCPO nga maoy nangulo sa buy bust operation   sa Sitio  Datag,  Barangay  Maribago sa  Dakbayan  sa Lapu-Lapu nakasakmit og 34  ka gagmay nga paketeng shabu ug usa ka armas nga kalibre 38  nga puno sa mga bala.

Pito ka tawo ang nadakpan nga silang Rolando Oyao  Taghoy,  31,  Anecito Augusto   Cagadas,  39,  Joel  Flores, 48  nga taga Bato Carbon sa Barangay Ermita,  Dakbayan  sa Sugbo  nga nakuhaan og 37  ka gagmay nga paketeng shabu.

Nadakpan usab  nila ang kauban nga babaye nga si Jessa Santos,  30,  Manuelito Camacho, 32, Nicbert Inot ug Genaro Pino nga nakuhaan sab og 25  ka gagmay nga paketeng  shabu.

Samtang ang team nga gipangulohan  sa hepe  sa kapolisan  sa Lungsod sa Cordova nga si Police  Lieutenant Jan  Ace Layug mironda sa Poblacion ug nadakpan sila si Richard  Casquejo, 45, Zaldy  Inoc, 36   nga usa ka security  guard,   Marvi Yburan, Niño  Andales  Jr., 30,  ug  Aldee  Baring, 27 .

Nasakmit  gikan kanila ang 11 ka gagmay nga paketeng  shabu ug mga drug paraphernalia uban sa usa ka  kalibre 22  nga armas nga dunay mga bala. /IBM (BANATNEWS)