Kahuot sa trapiko sa San Fernando nasulbad
CEBU, Philippines — Duna na dakong kausaban ang trapiko diha sa lungsod sa San Fernando tungod sa pagsunod sa Taiheiyo Cement Philippines sa polisiya nga dili pwede mopatabok sa ilang mga dagkong trak nga nagkarga og semento matag peak hours matud pang Gobernador Gwendolyn Garcia. Kaniadtong Nobiyembre 22, 2019, gitug-an ni Garcia sa mga tigbalita nga nakigkita siya sa mga representante sa Taiheiyo ug gihangyo sila nga dili patabokon ang ilang mga trak sa panahon sa alas 7 hangtud alas 9 sa buntag ug alas 4 hangtud alas 7 sa gabii.
Aning mga orasa kasagaran daghang mga sakyanan nga molabay sa karsada pagawas ug pabalik sa Cebu City ug kun dunay mga dagkong trak sa maong kompanya nga mogawas alang mga orasa mabara gyud ang trapiko sa maong lugar.
Matod sa gobernador misaad ang maong kompanya nga ilang tumanon ang hangyo ug ilaha kining gipahibalo ngadto sa ilang mga kliyente aron masayod sila sa usa ka gamay nga oras nga leeway aron mabag-o ang ilang mga iskedyul ug makapahibalo sa mga kliyente nila.
Kaniadtong Disyembre 17, 2019, gipahibalo sa gobernador nga si San Fernando Mayor Lakambini “Neneth” Reluya mibutyag nga tungod sa no crossing scheme niluag gyud ang dagan sa trapiko sa ilang lungsod.
“Just to countercheck, I did send out people there. In fact, our own people confirmed that wa na gyud. Gihunong gyud ang kaning pag-cross,” dugang pa sa gobernador.
“We will observe because they themselves already volunteered that… should they see the increase in traffic, they will reschedule other deliveries from 11 pm in the evening to 6 pm in the morning,” dugang pa ni Garcia. /IBM (BANATNEWS)
- Latest
