Mga sapatos alang sa inmates andam na

Cebu, Philippines — Andam na nga ipang-apod-apod ngadto sa mga inmate diha Cebu Provincial Detention and Rehabilitation Center (CPDRC) ang mga sapatos nga gipalit sa Probinsiya sa Sugbo.

Matud ni Bernard Calderon, hepe sa Provincial General Services Office (PGSO) ug vice chairman sa Bids and Awards Committee (BAC) sa Kapitolyo nga paabuton usab nila  nga moabot ang tela alang sa bag-ong uniporme sa mga inmate aron madungan sa pag- apod-apod ngadto sa mga priso.

Gibutyag ni Calderon nga 2,300 ka sapatos ang ilang gipalit diin P265 ang presyo niini matag usa ug nikabat ngadto sa  P609 mil ang tanan.

Samtang ang tela nga alang sa mga uniporme nikabat ngadto sa P415 mil ang gigahin sa Kapitolyo.

Sayo pa, si Gobernador Gwendolyn Garcia atol sa iyang pagbisita sa mga priso diha sa CPDRC nisaad kini nga bag-ohan sila og uniporme ug sapatos.

Tumong sa Kapitolyo nga sulod niining tuiga mahatag ang maong mga sapatos ug uniporme.  BDB ( BANAT NEWS)