Nagduwa sa kinatawo gidakop

CEBU, Philippines – Gidakop ang 26-anyos nga ulitawo kinsa nasakpang nagduwa sa iyang kinatawo samtang naglantaw sa duha ka dalaga sa Sitio Kabulihan, Poblacion Pardo, Cebu City niadtong Lunes pasado alas 10:30 sa gabii.

Giila ang dinakpan nga si Joel Medalle Villegas nga nagpuyo sa maong dapit samtang ang mga dalaga nag-edad og 21 ug 27-anyos nga kasamtangan sab nagpuyo sa maong dapit.

Giingong nagpaatbang ang lalaki sa gilingkuran sa duha ka dalaga samtang naggunit sa kinatawo nga giduwaan.

Asoy sa duha ka dalaga nga makadaghan na kini gibuhat sa lalaki hinungdan nga nagpatabang na sila sa mga barangay tanod nga sila si Anastacio Coronado, Alben Singson, Julius Navarro, Daniel Mamac ug nasikop ang ulitawo. Gidala ang lalaki sa Pardo Police Station aron pasakaan og kasong unjust vexation. (/GMR)(BANAT NEWS)