Annual budget sa Kapitolyo wa mapasar kagahapon

CEBU, Philippines — Pagtuki sa P4.69 Bilyones nga budget sa probinsya sa sunod tuig gisibog sa sunod nga adlaw’ng Lunes.

Ang provincial board kagahapon giaprobahan ang maong proposed budget kutob lang sa second reading  human ang nangamahan sa resolusyon niini nga si Board Member Celestino “Tining” Martinez III ni desisyon nga sa sunod na lang iaprobar ang proposed annual budget sa dihang nihangyo si Board Member Alex Binghay sa trisero distrito nga hatagan siya og igong panahon pagbasa sa proposed budget sanglit wala pa siya nakabasa niini.

Sa house rules sa provincial board, ang paghisgot o pagtuki sa proposed ordinance or resolution mahitabo kini atol sa second reading.

Si Bise Gobernador Agnes Magpale nipasabot sa maong parliamentary procedures atol sa session gahapon.

Gibawi hinoon ni Binghay ang iyang motion for reconsideration nga matuki ang budget apan, si Martinez nidesisyon na lang nga adto na aprobahan ang budget sa sunod nga session sa Lunes.

Ang gipangayo nga pundo sa tuig 2019 nisaka kini og 4.23% o P190, 369, 657. 58 kon itandi sa P4.5 billion nga pondo karong tuiga.

Sa proposed nga budget P669 milyon niini ang sa hospital operations, wala pay labot ang gipangayo nga pondo sa Provincial Health Office nga P663 million. Ang Office of the Governor nangayo usab kini og P807 million; Office of the Vice Governor  (P139million); Sanggunian Panlalawigan (P73 million).

Samtang aprobado na usab kagahapon  sa provincial board ang supplemental budget nga gipangayo sa Kapitolyo karong tuiga nga moabot sa P104 million kon diin apil na niini ang alang sa Collective Negotiation Agreement (CNA) incentives sa mga empleyado sa Kapitolyo. (/IBM)(BANATNEWS)