Opisyales sa Barangay Dumlog nipaubos sa drug awareness seminar
CEBU, Philippines – Giklaro sa mga opisyal sa Barangay Dumlog, Dakbayan sa Talisay nga bisan og wala pa mohingalan si Presidente Rodrigo Duterte nga naghitak ang ilegal nga drugas sa siyudad apan ang mga opisyal sa barangay naka-schedule na kini kagahapon sa buntag sa pagpahigayon sa Drug Awareness Seminar diha sulod sa San Pio Village.
Matud ni Kapitan Nelson Abellana nga bisan og wala pa mohingalan si Duterte naka-schedule na ang ilang seminar ilabi na nga nakita nila nga daghan na karon ang apektado sa ilegal nga drugas.
Si Abellana makig-alayon sa iyang peace and order council aron makapangita sila og mga pamaagi sa pagtubag sa problema sa ginadiling drugas.
Sayo pa 13 ka tawo nga nalambigit sa ginadiling drugas diha sa Barangay Dumlog ang nasikop sa gipahigayong raid sa Philippine Drug Enforcement Agency ug kapolisan.
Ang pangulo sa Barangay Anti-Drug Abuse Council sa Barangay Dumlog, Hydellin Rafols, nitug-an nipasiugda sila sa maong tigum aron masugdan ang pagpakatap sa impormasyon aron masayran ilabi na sa mga ginikanan ang ilang mga anak kon kini nalambigit ba sa ilegal nga kalihukan.
Dugang ni Rafols nga ilaha usab nga ipakatap ang maong seminar ngadto na sa tanang sitio sa barangay. (/BDB)(BANAT NEWS)
- Latest
