Mga dokumento sa kapitolyo gipugngan na
CEBU, Philippines – Dili na basta-basta nga makakuha og kopya sa mga dokumento gikan sa mga opisina sa Kapitolyo sugod niadto’ng Nobiyembre 9, 2015.
Kini human nipagawas og memorandum si Atty. Mark Tolentino, ang Provincial Administrator, ngadto sa tanang buhatan.
Tumong niini nga ma-monitor ang matag request o access sa official records lakip na ang pagpa-photo copy niini.
Nimando si Tolentino nga mohimo una og usa ka written request ug ibutang ang katuyuan ug hinungdan kung unsaon ang dokumento ug para asa kini.
Gani sa matag pagawas sa dokumento, gimandoan ni Tolentino nga gikinahanglan kini og approval gikan sa department head nga hingtungdan.
Ang tanang dokumento nga ipang-release kinahanglan nga i-report sa opisina sa gobernador.
Giklaro ni Tolentino nga ang pakyas motuman sa kamanduan ipa-ubos sa disciplinary action ug due process. – /GMR) (BANAT NEWS)
- Latest
