Tuburan wala mamatyi og mabdos sud sa duha ka tuig
CEBU, Philippines - Ang lungsod sa Tuburan ubos sa “zero maternity death” sa milabay’ng duha na ka tuig kini base sa report sa Department of Health (DOH)-7.
Ang DOH nagkanayon nga ang lungsod zero maternity death kini sa tuig 2013 ug usa lang ang natala sa 2012.
Ang “maternity death o maternal mortality” buot pasabot niini namatay nga inahan atol sa iyang pagpanganak o may komplikasyon sa pagsabak.
Sa buwan sa Oktubre niining tuiga walay natala sa lungsod sa Tuburan nga maternal mortality apan dunay natalang walo ka mga puya nga namatay o “infant mortalities” sukad sa tuig 2013.
Si Mayor Democrito Diamante mihangop sa mga Barangay Health Worker (BHW) sa mao nilang achievement. Sunod nga gustong masolusyonan ni Diamante mao ang problema sa malnutrition ug teenage pregnancies o ang pagmabdos sa mga bata pa kaayong babaye.
Si Bise Gobernador Agnes Magpale midayeg kang Diamante tungod kay talagsaon ang mayor nga makahibalo sa status sa malnutrition ug bisan na ang maternal mortality sa ilang ginsakpan. (BANAT NEWS)
- Latest
