Bag-ong plaka sa sakyanan nangabot na
CEBU, Philippines - Maiban-ibanan na unya ang gidaghanon sa mga sakyanan nga nagdagan-dagan dinhi sa dakbayan sa Sugbo nga wala’y orihinal nga plate numbers.
Gipahibalo ni LTO-7 Regional Director Arnel Tancinco nga mopahigayon sila og press conference karong Martes unya sugdan dayon sa pagpanghatag sa mga bag-o nga plate numbers.
Matud ni Tancinco nga nangabot na dinhi sa dakbayan ang kaliboan ka bag-ong plaka alang sa mga sakyanan ug motorsiklo. Sagad sa mga plate numbers adto itugyan sa mga vehicle dealers.
Gitataw ni Tancinco nga kadtong mga tag-iya nga mi-cash pagbayad sa ilang mga sakyanan mahimo nga makapangayo og plaka direkta sa LTO.
Gani ang mga tag-iya og karaan nga sakyanan mahimo nga makapangayo sila og bag-o nga plate numbers apan mobayad sila sa kantidad sa bag-o nga plaka.
Si Tancinco miingon nga kon maisyohan na og mga plaka ang mga sakyanan mahimo nga estriktuhon na nila sa pagpatuman ang “No Plate, No Travel policy.” –RUB (BANAT NEWS)
- Latest
