Kolorum nga traysikol sa Talisay gukdon
CEBU, Philippines - Gihugtan na sa City of Talisay-Traffic Operation Development Authority (CT-TODA) ang ilang operasyon batok sa mga kolorum nga traysikol sa dakbayan.
Si Mario Zafra, hepe sa CT-TODA sa pakighinabi sa Banat News nagkanayon nga gipatuman na nila ang lagda nga ang tanang yunit sa traysikol kinahanglang ilaha una kining ipaubos sa inspeksiyon una i-renew ang mga franchise o una hatagan og franchise.
Kini pagseguro kung ang yunit “road worthy†ba aron paglikay sa disgrasya sa mga pasahero.
Buot usab mahibaw-an nga ang mga traysikol dili kolorum.
Matud ni Zafra nga usa sa ilang problema karon dunay mga giingong nanag-iya og yunit sa traysikol nga molahos lang ngadto sa franchising and permit office ug dili moagi sa ilang buhatan.
Gibutyag ni Zafra nga base sa gihatag nga listahan sa franchising and permit office, adunay 1, 840 ka traysikol ang natalang dunay franchise.
Apan 553 lang ka yunit ang ilang na-inspeksiyon kutob niadtong Mayo 29, 2014.
Dugang ni Zafra nga karong Hunyo 2, gikatakdang magpahigayon sila og saturation drive pagsusi sa mga franchise sa mga traysikol ug habal-habal nga nagdagan sa siyudad. (/GMR)(BANAT NEWS)
- Latest
