6.3 magnitude nga linog mitay-og sa Negros Occ.
CEBU, Philippines - Gitay-og og 6.3 magnitude nga linog ang Hinoba-an, Negros Occidental kagabii alas-6:16 sumala pa sa Philippine Institute of Volcanology and Seismology (Phivolcs).
Ang maong linog may giladmon nga 58 kilometros ug ang lokasyon nahimutang 77 kilometros sa habagatan ug 65 degrees sa kasadpang bahin sa Hinoba-an nga nakasinati og intensity 5, intensity 4 sa Iloilo City; Bago City; Pandan, Antique; Basay, Negros Occ.; Sipalay, Negros Occidental; Binalbagan, Negros Occ.; Bayawan City, Negros Oriental.
Samtang Intensity 3 sa Roxas City; Bais City; La Carlota City; Zamboanga City; Lapu-Lapu City; Cebu City; La Castillana, Negros Occ.; Bacolod City;
Dumaguete City; Jagna, Bohol; Oton, Iloilo; Tayasan, Negros Or.; Jimalalud, Negros Or.; Ayungon, Negros Or.; Sibulan, Negros Or.; Dipolog City.
Nabatyagan usab ang Intensity 2 sa San Jose, Antique; Sibalom, Antique; Pagadian City
Intensity I - Masbate City; Kalibo, Aklan; Labason, Zamboanga del Norte; Polanco, Zamboanga del Norte; Manukan, Zamboanga del Norte.
Ang Phivolcs mibutyag nga posibleng momugna og danyos ug mga aftershocks sa maong linog. (BANAT NEWS)
- Latest
