Naghikot og pisi sa liog naluwas

CEBU, Philippines - Naluwas  ang  usa  ka  ulitawo sa iyang  inahan nga nakasakop  kaniyang  buhi  pa  siya nga nagbitay  sulod sa lawak sa ilang  balay sa Deca Homes Subdivision sa barangay Bankal, dakbayan sa Lapu-Lapu alas 12:00 pasado  kagahapon sa udto.

Si PO2 Winston Ybanez sa homicide section sa kapolisan sa maong dakbayan miila sa  maghikog  unta nga  si Exequel Calapati, 32, ulitawo, wala’y trabaho ug nagpuyo sa maong dapit.

Matud pa ni PO2 Ybanez nga human  matangtang   ang nylon   nga  pisi nga gibitik sa iyang liog  nangayo dayon og panabang sa mga silingan ang inahan ni Exequel ug ila  kining  gikarga  sa  sakyanan  paingon ngadto sa Lapu-Lapu City  Hospital.

Hinuon  gibalhin  usab  dayon  kini  ngadto   sa Vicente Sotto Memorial Medical Center   sa dakbayan  sa Sugbo.

Si PO2 Ybanez miingon nga ang inahan ni  Exequel  mitug-an nga sa wala  pa maghikog  nangayo  kini  og kuwarta sa iyang inahan nga ipuhonan  sa buwang.

Gikasab-an kini sa inahan ug wala hatagi sa gipangayo   hinungdan  nga mikuha  kini  og  pisi  kay  magpakamatay. (/WC)(BANAT NEWS)