Hubog nalamba patay
CEBU, Philippines — Patay na nga napalgan kilid sa usa ka dakong tindahan sa Cardinal Rosales Avenue, siyudad sa Sugbo ang usa ka 24-anyos nga lalake kagahapon sa kaadlawon.
Ang lalaki mao si Rommel Berano Villameno, 34, electrician, residente sa Sitio Kalinaw, Barangay Luz ning siyudad.
Sa impormasyon sa Mabolo Police Station 4 Cebu City Police Office(CCPO) sa ilang pagresponde sa dead person alarm nakit-an nila ang biktima nga naghigda na sa yuta.
Base sa pamahayag saksi nga usa ka security guard nakit-an niya kini mga alas 10 sa gabii nga nagbarog ug giingong hubog.
Dihang ni- roving siya pag-usab sa dapit nakit-an niya kini nga naghigda sa yuta hinungdan nga dali silang nanawag sa barangay ug ambulansiya.
Base sa ilahang imbestigasyon posibleng na-slide ang biktima ug nabunal.
Apan sigon ni Police Major Romeo Caacoy Jr., hepe sa Mabolo Police Station 4 nga gipasubay niya ang CCTV aron makita gyud nila kun unsay nahitabo.
Naay samad sa nawong ang biktima nga posibleng resulta sa pagkabunal hinoon ipa autopsy ang patay'ng lawas sa biktima aron mahibaw-an kung unsay gikamatyan niini. (BANAT NEWS)
- Latest
