Papa na-ospital human gibunalan sa adik ang anak
CEBU, Philippines — Nalandig sa tambalanan ang usa ka amahan human siya gibunal-bunalan og dustpan sa iyahang anak niadtong Lunes sa hapon sa Sitio Peace Valley, Barangay Bulacao, siyudad sa Sugbo.
Ang amahan 71 anyos nga biyudo samtang ang anak niini nga giingong adik-adik 42-anyos nga walay trabaho.
Gidala ang amahan sa Cebu City Medical Center gumikan sa angol nga naangkon nga resulta sa pagbunal sa iyahang anak.
Nasayran nga gibuhian na ang anak human napriso sa Inayawan Police Station 7 Cebu City Police Office tungod kay ang amahan dili na mopasaka og kaso gumikan kay naluoy.
Gusto matud pa sa amahan nga ipa-rehab ang anak apan wala silay kwarta. Matud pa sa amahan, bayolente ang iyang anak kun makasuyop.
Sumala pa sa amahan, kalit lang nga nasuko niya ang iyahang anak sa dihang iyang gipangitaan sa ilang portable grinder.
Tungod sa pagbunal-bunal nagisi ang agtang sa amahan ug nabun-og ang iyang mga kamot sa pagsige og panagang. (BANAT NEWS)
- Latest
