Gidaghanon sa nabutang sa ewas nakuhaan

CEBU, Philippines - Nakuhaan ang gidaghahon sa mga areas of concern sumala pa sa Regional Intelligence Division (RID)-7 base sa labing uwahi nilang assessment.

Gikan sa 44, nahimo na kining 42 ka mga barangay sa tibuok Central Visayas base sa nagpadayon nila nga intelligence monitoring samtang nagsingabot ang barangay election.

Sa tanang lugar, ang Cebu Province lang ang adunay kausaban matud ni Supt. Paul Labra, hepe sa RID-7.

Gikan sa 11 ka mga barangay, ang RID mipaubos niini ngadto sa siyam na lang ka barangay nga naglakip sa barangay Pitalo, Panadtaran, Bugho ug Tongo sa San Fernando; Poblacion Sima ug Candabong sa Dumanjug; Cantubaon ug Canduangon sa Tabuelan ug Sumon sa Tuburan.

Ang Barangay Cayang sa Bogo City mao lay nakuha sa listahan. “Ang ikaduha mao nang sa Dumanjug nga Poblacion Sima kay nabuwag man na sa una Poblacion ug Sima unya ang tinuod ana usa ra gyud na,” matud ni Labra.

Ang ubang barangay nga nalakip sa EWAS mao ang barangays  Yanawa sa Bilar; Cawag ug Cuaming sa Buenavista sa Bohol Province. Samtang ang Barangay Canlambo sa Larena, Siquijor Province naapil sa listahan.

Sa Negros Oriental Province, Barangays Trinidad, Hinakpan, Tacpao, Banwague, Sandayao, Bino-bohan, Humayhumay, Planas, Buenavista, Calupaan, Imelda, Villegas, Platagasanon, Linantuyan, Luz uy Magsaysay sa Guihulngan City; Bonawon, Apoloy, Mantiquil, Tayak sa Siaton; Dobdob sa Valencia town; Sto. Niño sa Tanjay City. Talalak, Nagbinlod, Milagrosa, Nagbalaye, San Pedro ug Fatima sa Sta. Catalina. Samtang nalakip na ang Barangay Punta Engaño sa Lapu-Lapu City.  Sa Cebu City,  nalakip sa EWAs ang barangay Pamutan ug Guba apan ang kapulisan padayun nga mosusi kung i-apil nila ang Barangay Ermita tungod sa nahitabong kagubot nga hinungdan sa pagkabuak sa windshield sa sakyanan sa Special Weapons and Tactics (SWAT).

Gawas niini mikunhod na usab ang potential private armed groups gikan sa walo ngadto sa unom.  Usa niini sa Negros Oriental, tulo sa Cebu Province ug duha sa Bohol.

“Bisan walay na-record nga activities ang duha giapil lang gihapon namo,” matud pa ni Labra. (BANAT NEWS)