“Team Patay” ug “Team Buhay” tarps ni-abot na sa Cebu
CEBU, Philippines - Nikatap na karon dinhi sa Sugbo ang kontrobersiyal nga “Team Patay†ug “Team Buhay†tarpaulins nga unang gi-paskin sa Archdiocese of Bacolod nga ang katuyoan mao ang pagpahibalo sa mga botante si kinsa ang pabor ug dili pabor sa gisupak sa simbahan nga Reproductive Health Law .
Ang mga posters nga gipamilit dinhi sa nagkadaiyang dapit sa Cebu City, duha kini ka bersyon. Dunay gibutang sa Plaza Hamabar sa kural sa Patria de Cebu nga pulos duol sa Cebu Metropolitan Cathedral, Guadalupe Parish Church, ug duna say gibutang sa Capitol Site Parish.
Ang mga posters nag-ingon:“Make sure your candidates are TEAM BUHAY! Don’t vote for TEAM PATAY!†ug may pagpasabot diha sa ubos sa paskin nga “TEAM PATAY candidates who promoted and voted for the very controversial RH BILL that is unconstitutional, immoral, and promotes a culture of death.â€
Ang ikaduhang desinyo susama sa poster nga gibutang sa simbahan sa Bacolod apan mas gamay kini og size ug nagbaton gihapon sa mga pangalan sa mga kandidatong pabor ug dili pabor sa RH law.
Si Msgr. Roberto F. Alesna sa Cebu Metropolitan Cathedral mihimakak nga duna silay kalambigitan sa namilit sa maong mga posters. “I just learned about it today (Monday). We were not notified that such will be posted near the cathedral. We do not know who did this,†matud pa ni Alesna.Usa ka parking attendant sa cathedral ang mibutyag nga gitaod kini niadtong Sabado sa buntag.
“Adtong una, dinhi na gibutang atubangan sa gate pero gipabalhin didto (sa Plaza Hamabar). Wala sad ko kahibaw kinsa’y nagpabalhin,†matud pa niini.
Si Commission on Elections (COMELEC) 7 Regional Director Temie Lambino nagkanayon ilang imbestigahon ang maong pagpamilit sa posters ug ilang ipasaka ang makuhang impormasyon ngadto sa ilang central office sa Manila.
“I will be directing my election officer to take a picture of the tarp. The pictures and findings will be forwarded to our legal department in the head office,†matud pa ni Lambino.
Si Park Administrator Arlie Gesta mibutyag nga ilang tangtangon ang maong tarpaulin kay wala kini pananghid sa ilang buhatan.
Samtang si Human Life International (HLI) country director Dr. Rene Bullecer mihimakak usab og kalambigitan sa maong mga tarpaulin. Siya aktibong mikontra sa RH Bill nga karon nahimo nang RH Law.
Samtang ang tigpamaba sa Akbayan-Cebu nga si Mikay Dumabok miingon nga tataw kaayo nga wala motuman sa konstitusyon ang simbahang katoliko gumikan kay sa pag-apil apil niini sa isyu sa piniliay.“Sa dili pa sila mag-apil apil sa politika, kinahanglan nga limpyohan nila daan ang kaugalingon nilang tugkaran,†nagkanayon si Dumabok. (BANAT NEWS)
- Latest
