TESDA aduna nay bag-ong director general
CEBU, Philippines — Gitudlo ni Presidente Ferdinand R. Marcos Jr. si Negros Occidental Rep. Jose Francisco “Kiko” Bantug Benitez isip ba-ong Director General sa Technical Education and Skills Development Authority (TESDA) human ni-resign sa pwesto si Suharto Mangudadatu niadtong Hulyo. Sumala sa Presidential Communications Office (PCO) nga ang kasinatian ni Benitez isip Representative sa Third Congressional District sa Negros Occidental ug Chairperson sa Committee on Housing and Urban Development sa House of Representatives nagdala kaniya og daghang kasinatian sa edukasyon, kalamboan, ug serbisyo publiko.
Ang administration ni Presidente Marcos masaligon sa katakus ni Benitez nga mangulo sa TESDA ngadto sa pagkab-ot sa mga tumong niini sa pagpausbaw sa teknikal nga kahanas sa Filipino workforce, pagpalambo sa tibuok kinabuhi nga mga oportunidad sa pagkat-on, ug pagduso sa pagtubo sa ekonomiya pinaagi sa edukasyon ug pagpalambo sa kahanas.
Base sa PCO, Si Benitez adunay doctorate sa Philosophy ug naila sa pagkampyon sa lehislasyon nga nagpasiugda sa bag-ong development paradigms nga nagbalanse sa social equity, economic growth, ug ecological sustainability.
Dugang niana, ang iyang adbokasiya alang sa digital nga pagbag-o, reporma sa edukasyon, ug kabag-ohan sa teknolohiya mahimong hinungdanon sa pagdumala sa mga programa sa TESDA.
Sa laing bahin, ang opisina sa Presidente nagpasalamat kang outgoing Director General Suharto Mangudadatu alang sa iyang matinud-anon nga serbisyo ug kontribusyon sa TESDA sa panahon sa iyang pagserbisyo.
Si Mangudadatu ni-resign sa iyang posisyon sa TESDA aron mangandam sa iyang unang parliamentary elections sa Bangsamoro Autonomous Region in Muslim Mindanao (BARMM) sa Mayo 2025. (BANAT NEWS)
- Latest
