PB mipasidungog sa mga Sugboanong atleta nga nisalmot sa Palaro
CEBU, Philippines — Gipasidunggan ug gihatagan og pag-ila sa hunta probinsyal ang mga atleta ilabina ang mga Sugboanon nga naghatag og dungog sa Sugbo atol sa bag-o lang natapos nga Palarong Pambansa.
Sa overall tally sa Palarong Pambansa, ika-5 sa ranking ang Central Visayas human nakaangkon ang mga atleta sa rehiyon og 29 ka gold, 42 ka silver ug 32 ka bronze nga medalya.
Gawas sa mga medalya, adunay mga atleta nga nakadawat usab og special awards atol sa katapusan nga seremonya sa Palaro.
"this Body, with remarkable distinction, commends all the Cebuano athletes who bravely took the challenge in partaking in the annual nationwide multisport event. Moreover, together with the Cebuano community, this Body praise those who emerged victorious in their respective sports categories" sumala sa provincial board.
Matud sa hunta probinsyal ang dedikasyon ug determinasyon sa mga Sugboanong atleta angayan ra nga hatagan og pasidungog ug himoong sumbanan sa ubang tinun-an ug batan-on.
Gidayeg usab sa mga opisyal sa Sugbo ang malampusong Palarong Pambansa nga gipahigayon dinhi sa Sugbo.
"The participation of all student-athletes from all regions of the country is a testament that sports teaches and inculcates the attitude and habit of discipline and determination in whatever goal one is aiming at or pursuing" sumala sa PB. (BANAT NEWS)
- Latest
