Mga biktima sa sunog sa Cordova midawat na og tabang pinansyal
CEBU, Philippines — Mga biktima sa sunog sa Cordova nakadawat og P5,000 ngadto sa P10, 000 nga tabang pinansyal gikan sa lokal nga kagamhanan.
Ang mga nakadawat og tabang pinansyal mao ang mga biktima sa sunog sa sitio Catarman Uno, Barangay Catarman.
Sa nasayran dili momenus 35 ka mga panimalay ang apektado sa maong sunog.
Sumala sa LGU nga P10,000 ang tabang pinansyal nga gihatag sa 20 ka panimalay nga hingpit gyud nga naugdaw samtang tag P5, 000 usab ang nadawat sa mga “partially damage”
Ang maong hinabang gipaagi sa Municipal Social Welfare and Development Office.
Nasayran mokabat sa 184 ka indibidwal ang apektado sa sunog niadtong Hulyo 14, 2024.
Halos usa ka oras ang nilanat una pa gideklarar nga fire out o napawong ang kalayo nga nilamoy sa mga panimalay. Unang gihatagan og pagkaon, tubig ug hygiene kits ang mga biktima human sa maong sunog. (BANAT NEWS)
- Latest
