Nag-esmiringhoy sa dagat nakuhaag video

CEBU, Philippines — Nihimo og imbestigasyon ang Moalboal Police Station sa nag viral nga video sa social media nga nagpakita sa babaye ug lalaki nga nagtagay sa lawasnong kalipay diha sa dagat sa Sitio Panagsama, Barangay Basdiot, Lungsod sa Moalboal.

Kahinumduman nga niadtong adlaw'ng Sabado, Agosto 24, 2024  na-ukay ang netizens dihang gi-post ang maong video nga nagpakitang naghimo og law-ay nga buhat ang duha.

Giangkon ni Police Captain Brigido Paca II, hepe sa Moalboal Police Station nga hanap kaayo ang video ug dili mailhan ang duha. Makita sa video nga ang duha nangaligo sa dagat nianang ngitngit na ang kagabhion, apan dili lang diay ligo ang ilang nagtagay sab sila sa lawasnong kalipay.

"Dili gyud nato ma identify ang duha ka naa sa video nga ‘nagtari’ sa dagat kay ako nakakita ko sa video pero ang nag video nag atubang sa hayag unya ang katong portion nga diin nakuan ang video among gi actual og adto gyud pinaka tumoy sa murag ngilit, naay bato siya murag riprap didto sila sa kilid unya ngitngit kaayo unya ang nagkuha sa video nag-atubang atong naay murag resto bar sa atubangan nga pwerteng hayaga so dili gyud nato makita ang nawong atong duha," pasabot ni Paca.

Sa pagkutlo ning maong balita padayon nga nangutana ang kapulisan ilabi na sa mga establisamentong nagpa-check in og guest kun nakaila ba sila niadtong duha ka tawo.  Aron masuta kun bag-o ba ang video o dugay na nakig-alayon ang Moalboal Police Station sa Regional Cybercrime Unit (RACU)-7.

"Sa video nga nakuha namo dili pud ta ka sure kung katong videoha bag-o bato or dugay naba to nga video kay pag post man gud sa video ang naka caption lang didto gibutangan lang didto og long weekend  sa Moalboal something ana siguro nakuan di ta sure kung kadto ba orasa or kadto ba nga date gihimo ang video kay sa amoang observation katong Sabado pwerte gyud daghanang tawo sa Basdiot unya ang naa sa video wala may tawo gyud unya naa lay duha ka tawo nilabay kana  nga time pwerteng punoa kay long weekend," sigon ni Paca.

Kun pananglitan masuta kinsa ang mga naghimo og law-ay nga binuhatam mahimo silang mapasakaan og kasong public scandal. (BANAT NEWS)