P100M gigahin sa TIEZA alang sa pag-ayo sa simbahan sa Sibonga
CEBU, Philippines — Ang Tourism Infrastructure and Enterprise Zone Authority (TIEZA) migahin og P100 million alang sa restoration o pagpaayo sa Nuestra Señora del Pilar Parish Church sa lungsod sa Sibonga.
Ang maong simbahan nga usa ka Level II historical site sa National Historical Commission of the Philippines (NHCP) ang usa sa mga simbahan sa Probinsiya sa Sugbo nga nakaangon og grabeng kadaot tungod sa bagyong Odette niadtong tuig 2021.
Si Gobernador Gwendolyn Garcia uban sa mga opisyal sa TIEZA nagtigom aron hisgotan ang trabaho nga himoon aron mabalik ang kaanindot sa maong simbahan.
“We will make everything look good. It’s just a matter of extreme urgency,” matud ni Garcia ngadto kang Jeoffrey Macalalad ang OIC sa project evaluation and planning department sa TIEZA uban ni Guillan Castillo ang risk and opportunity register sa TIEZA.
Ang pagpaayo sa maong simbahan, magsugod sa maintenance niini lakip na ang pagtangtang sa biological growths, masonry ug uban pa.
“These steps are crucial for preserving the church’s structure and preventing further deterioration. The interior rehabilitation will focus on several key areas: neglected parts of the belfry will be cleaned and reuse to allow for regular maintenance; old wooden furniture will be repaired and reused; and a new ceiling will be installed in the sacristy” sumala sa Capitol Information Office.
Butangan usab og ventanilla ang mga bintana, ipaubos sa rehabilitasyon ang lawak ug apil usab ang kisame ug pulihan og fiber cement board aron mas lig-on.
Sa gawas nga bahin, ang plano mao ang pagsiguro nga magpabilin ang kaanindot ug kalig-on sa maong makasaysayanong struktura.
Tungod sa kadaghang ayuhonon ug panindoton pa sa maong simbahan, moabot sa kapin P100 million ang gigahin nga pundo niini sa TIEZA.
Tungod kay “protected” ug adunay “historical value” ang maong simbahan, tanang himoong trabaho niini, kinahanglan aprobahan sa NHCP pagsiguro nga mapanalipdan ang integridad ug mapreserve ang maong simbahan. (BANAT NEWS)
- Latest
