RTWPB-7 nipahibawo sa P500 nga usbaw sa suholan sa katabang

CEBU, Philippines — P500 nga binuwan nga usbaw sa suholan sa kasambahay stay-in o stay-out.

Ang maong usbaw sa suholan sa kasambahay mo apply kini sa Bohol, Cebu, Negros Oriental ug Siquijor.

Ang maong bag-ong wage order giluwatan kini human sa gipahigayong higpit nga review ug evaluation sa resulta sa public hearing sa existing socio-economic conditions sa rehiyon sa panginahanglan sa domestic workers ug sa ilang mga pamilya ug sa kapasidad sa pagbayad sa employer.

Ang bag-ong monthly minimum wage rates sa domestic workers sa rehiyon sa charter cities ug first class municipalities gikan sa P5,500 ngadto sa P6,000 ug sa laing municipalities gikan sa P4,500 ngadto sa P5,000.

Ang bag-ong wage order mo apply kini sa tanang domestic workers o katabang sa balay live-in o stay-out arrangement.

Apan ang mosunod dili cover niini sama sa service providers, family drivers, mga bata nga ubos sa foster family arrangement nga gitugotan sa access sa edukasyon ug gihatagan og allowance alang sa edukasyon, ug ubang mga tawo nga nagpahigayon og trabaho panagsa ug dili sa occupational basis.

Ang board nagkanayon nga ang mga katabang kinahanglang bayaran o makadawat sa ilang suholan kausa sa usa ka buwan nga walay kaltas gawas kong gimando sa balaod.

Ang board nagkanayon usab nga sa pagkuha o pagkontrata sa mga serbisyo sa katabang pinaagi sa lisensyado nga Public Employment Agency (PEA), ang suholan nga gilatid sa kamandoan abagahon sa mga prinsipal o mga kliyente sa PEA.

Ug kong ang principal o kliyente mapakya sa pagbayad sa gimando nga suholan, ang PEAs liable niini ug ang iyang kliyente.

Matud sa board nga ang katabang ug ang employer kinahanglang boluntaryo o nagkasabot sa pag-adopt sa competency-based pay scheme sa setting ug pag-adjust sa suholan sa katabang sobra og taas sa minimum wage.

Niadtong Pebrero 14, 2023, ang board nakadawat og petisyon nga giduso sa Cebu Labor Coalition (CELAC), Lonsbisco Employees Organization (LEO), Methaphil Workers Union (MWU), Unionbank Employees Association (UBEA) u Domestic Workers of the Philippines nga nag-awhag og P1,000 na  minimum nga usbaw sa suholan sa domestic worers sa rehiyon. — /BDB (BANAT NEWS)