Delivery rider nakuhaa’g P1.5 milyong shabu

CEBU, Philippines — Nadakpan sa mga operatiba sa Regional Police Drug Enforcement Unit (RPDEU)-7 ang usa ka delivery rider nga usa ka High Value Individual sa kampanya kontra ilegal nga drugas atol sa buy-bust operation nga gihimo diha sa San Carlos Heights, Barangay Quiot, siyudad sa Sugbo, gabii sa adlaw'ng Huwebes.

Ang dinakpan mao si Joel Boyles Vallinas alyas Wel, 43 anyos, residente sa Barangay Yati, Lungsod sa Liloan.

Nakuhaan kini og 225 gramong gituohang shabu nga mobalor og P1.5 million.  Sa impormasyon sa kapulisan usa ka buwan nila gi monitor ang suspetsado human makadawat og impormasyon labot sa illegal nga kalihukan nga suspetsado.

Nahibaw-an nga maka dispose ang dinakpan og 200 grams nga shabu kada semana.  Matud pa ang contact niini sa supply sa illegal nga drugas naa sulod sa Cebu City Jail.

Ang area of operation sa dinakpan kay Lungsod sa Liloan ingon man Cebu City.

Kasong kalapasan sa Sections 5 ug 11, Article II sa Republic Act 9165 ang suspetsado. IBM BANAT NEWS