Klase posibleng mabalik na sa naandang school calendar
CEBU, Philippines — Dako ang posibilidad nga mabalik na sa naandan nga school calendar gikan sa buwan sa Hunyo hangtud sa Marso.
Kini maoy gipadayag ni Dr. Arden Monisit, schools division superintendent sa Department of Education (DepEd) Talisay City Division.
Matud pa ni Monisit nga nakadawat na sila sa kamandoan kalabot sa overload pay sa mga magtutudlo nga malapas sa walo ka oras nga pagtrabaho sa usa ka adlaw.
Si Monisit nagkanayon nga mahimo kini kong tinguhaon nga mabalik sa naandan nga mga buwan ang klase.
Usa sa mga rason sa mga magtutudlo nga lisod nga mabalik dayon ang naandan nga school year tungod kay wala na sila’y pahuway.
Apan matud usab ni Monisit nga kong tugbangan kini og overtime nga sweldo mas mokugi ang magtutudlo sa pagpaspas sa ilang trabaho.
Si Monisit nipadayag usab kini sa dakong suporta sa pagbalik sa naandan nga tingklase tungod sa grabeng kainit sa panahon. — /BDB (BANAT NEWS)
- Latest
