Pulpit panel sa simbahan Boljoon gikatakda ng iuli NMP

CEBU, Philippines — Nanghinaot si Gobernador Gwendolyn Garcia nga mapadala na dayon ang upat ka pulpit panels pabalik sa Nuestra Señora de Patrocinio de Maria Parish sa lungsod sa Boljoon, Cebu.

Kini human nga si Andoni Aboitiz, chairperson sa Board of Trustees sa National Museum of the Philippines (NMP) mipahibalo kang Garcia nga ibalik sa NMP ang maong pulpit panels sa Boljoon.

"We are pleased to inform you that in our regular meeting this morning the Board of Trustees approved a set of recommendation for the proper return of the four Panels to pulpit of thr Archdiocesan Shrine of Patrocinio de Maria Santisima..."pagbasa sa sulat ni Aboitiz ngadto kang Garcia penetsahan Mayo 8, 2024.

Si Garcia nagkanayon nga walay detalye kun kanus-a kini ibalik ngadto sa simbahan sa Boljoon apan iyang giingnan si Aboitiz nga kinahanglan gyud mabalik ang maong panels ngadto sa tinood nga tag-iya niini.

"This could be a signal ba,  nga if you return this, this will become a signal to all those who have looted and are now in possession of religious icons, religious artifacts that have not been deconsecrated, as far as the church is concerned... taking of from the letter of Archbishop Palma, ang tanan nga wala ma deconsecrate, you are committing a sacrilege everyday"  matod sa gobernador.

Niadtong 1980s sa dihang nawala ug giingong gikawat ang maong mga panels gikan sa simbahan sa Boljoon.

Pipila ka tuig ang nilabay nasayran nga ang maong mga panels gidonar sa mga pribadong indibidwal ngadto sa NMP.

Kini ang hinongdan nga ang mga opisyal sa Sugbo partikular na sa Boljoon niawhag sa pagbalik sa maong panels ngadto sa simbahan. "Ang mga tawo naay sense of ownership not to say nga ila ng personal but it is part of their stories, it part of their history. It is part of why Boljoon church is as beautiful as it is, but it used to be more beautiful until the looters came in" matod ni Garcia. IBM BANAT NEWS