16 nadakpan sa raid
CEBU, Philippines — Miabot sa 16 ka indibidwal nga nalambigit sa ginadiling drugas ug sugal ang nadakpan sa gihimo nga agresibo nga pagsulod sa operatiba sa Barangay Tanke ug San Roque, Dakbayan sa Talisay niadtong Sabado hangtud sa Domingo.
Si Police Lt. Col. Epream Paguyod, hepe sa kapolisan sa Dakbayan sa Talisay nibutyag nga gihimo nila ang sunod-sunod nga pagpahigayon og agresibo nga pagpatrolya sa duha ka barangay.
Unang dakop nga nahimo mao ang pagpahigayon sa buy bust operation niadtong Sabado sa alas 11:30 sa gabie.
Nasikop si alyas Nonoy ug ang kauban niini nga nakuhaan og shabu nga nitimbang og 62 gramos nga adunay gibana-bana nga balor nga P421mil.
Mga alas-3 sa kaadlawon sa Domingo nasikop ang 42 ug 29 anyos durugista nga nakit-an sa akto nga nagkupot og drugas. Laing durugista nga nasakpan sa akto nga nagkupot og drugas mao ang 42, 30 ug 49 anyos.
Tulo sab ang nadakpan kay nagduwa og tong-its samtang unom ang nasikop nga ang duwa og hantak. Ang mga dinakpan gibalhug sa bilangguan nga mag atubang og nagkalain-laing kaso. — /IBM (BANAT NEWS)
- Latest
