Lalaki gikan sa prisohan gitipi sa Talisay

CEBU, Philippines — Patay ang usa ka lalaki human kini gipusil sa wa mailhing mamumuno diha sa baybayon sa Barangay Tanke, Dakbayan sa Talisay niadtong Sabado sa udto.

Ang biktima nga nailhan lang sa ngalan nga alyas Yawa, gibana-bana nga naa sa 20 kapin ug kulang nga pangidaron. Nahibaw-an ang ang biktima bag-o lang kini nakagawas gikan sa bilanggoan sa kaso nga ilegal nga drugas base sa pulong sa mga residente sa lugar.

Gikaingon nga nagkuyog lang ang suspek ug ang biktima pero mao na diay ang mopatay kaniya pinaagi sa pagpusil diha sa iyang ulo.

Sa impormasyon nga nadawat sa kapolisan, giingong nakadispalkoog halin sa drugas ang biktima ug maoy gituohang motibo sa pagpatay kaniya. (BANAT NEWS)