Rhian bida sa Miss Probinsyana
Mapasigarbohong gidawat ni Rhian Ramos ang advocacy film nga “Miss Probinsyana" nga nagtangag sa mensahe mahitungod sa tingog sa kababaenhan.
Si Jenny Pearl Bautista-Ninalga ang direktor sa maong pelikula ug gi-produce kini ni Marjorie Aviso.
“I feel that women need to fight for each other, create ways for each other. I feel that whenever you are in a position of power to help another person you should do it.
I really believe if I'm gonna rise up, I wanna take every one with me. If I achieve anything in this world, I want all of us to shine," sa aktres pa.
"Royal Blood" molugwa sa Netflix
Makita sugod karong Marso 15 sa Netflix ang murder mystery drama series sa GMA-7 nga "Royal Blood.
Ang maong teleserye kay gibidahan sa Kapuso Primetime King nga si Dingdong Dantes.
Gilangkoban ang "Royal Blood" nila ni Megan Young, Dion Ignacio, Mikael Daez, Lianne Valentin, ug Rhian Ramos.
Nalakip usab niini sila si Miss Universe Philippines 2020 Rabiya Mateo, Benjie Parasug Arthur Solinap ug Tirso Cruz III.
Ang “Royal Blood” kay ubos sa pagdumala nila ni GMA SVP for Entertainment Group Lilybeth G. Rasonable; VP for Drama Cheryl Ching-Sy; AVP for Drama Helen Rose S. Sese; Senior Program Manager Redgynn Alba; ug Senior Executive Producer Winnie Hollis-Reyes.
Si Dominic Zapata ang direktor sa maong teleserye.
Janine giatngan og proyekto
Human sa kalamposan kaniadto sa revenge drama nga "Dirty Linen", makabaton si Janine Gutierrez og dugang proyekto sa Dreamscape Entertainment.
"Janine Gutierrez is set to make another Dreamscape Entertainment project that will undoubtedly showcase her acting prowess. Coming soon," social media post sa Dreamscape. Kahinumdoman nga kanunay nga nag-trending kaniadto ang pipila ka episodes sa Dirty Linen.
Mapasalamaton ang aktres sa tanang suporta nga iyang nadawat.-Sanden J. Anadia
Ariana dunay bag-ong album
Gi-release na sa Grammy Award-winning singer nga si Ariana Grande ang ikapito niya nga full-length album nga "Eternal Sunshine". Ang bag-o niya nga album kay gilangkoban og 13 ka mga awit. Si Ariana ang nagpasikat sa "Thank U, Next", "7 Rings", "Positions", "Santa Tell Me" ug uban pa.
Robi ug Gretchen nag-ubanNahugyaw ang fans nila ni Robi Domingo ug Gretchen Ho gumikan kay subling nag-uban ang duha sa usa ka hosting gig. Kanhi mag-uyab sila si Robi ug Gretchen.
"Magic was brought in during a trade partners night with Robi Domingo and Gretchen Ho as hosts," caption pa sa Star Magic sa ilang hulagway.
Kahinumdoman nga niangkon sila sa ilang relasyon niadtong 2013 apan nagkabuwag niadtong 2017.
Pangandaman gyud
Gitambagan ni Jake Ejercito ang mga lalaki nga gustong mahimong amahan nga kinahanglan huna-hunaon gyud og maayo sa dili pa sudlan ang maong butang. Gawas sa pinansiyal, kinahanglan matud pa nga andam gyud kanunay sa mental ug emosyonal mga aspeto.
“Barangay Singko Panalo”
Dunay programa sila si Jerald Napoles ug Kayla Rivera sa TV5 sugod karong Marso 11. Nag-ulohan kini og “Barangay Singko Panalo” ug giingong mao kini ang makaatbang sa programa ni Dingdong Dantes sa GMA-7 nga Family Feud.
“Lunchtime Movie Hits”
Ang “Lunchtime Movie Hits” maoy temporaryong nihulip sa timeslot sa nanamilit nga noontime show nga “Tahanang Pinakamasaya”. Wala pa'y detalye kun unsa gyud nga regular program ang ibutang sa maong timeslot.
- Latest
