Duha ka opisyal sa bangko nanglugos

CEBU, Philippines — Nagtingkagol sa prisuhan ang supervisor ug usa ka account officer sa usa ka banko diha sa Dakbayan sa Carcar human siya gireklamo nga nanglugos og 17-anyos nga Grade 12 student kagahapon sa kaadlawon sa Barangay Bolinawan sa maong dakbayan.

Nadakpan sa hot pursuit operation ang mga suspetsado nga 28-anyos nga Bank Supervisor, dunay kaipon ug nagpuyo sa Barangay Poblacion ug ang 24-anyos nga account officer sa mao gihapong bangko ug residente sa Barangay Bolinawan sa Carcar City.

Matud sa hepe sa Carcar City Police Station Lieutenant Colonel Bryan ‘O  Neil Salvacion kagahapon sa buntag ang biktima uban ang iyang hinigugma midangop kanila kay matud pa siya gilugos sa duha ka tawo alas-2 kaadlawon kagahapon.

Sa report sa kapulisan, nagpaabot sa hinigugma ang biktima diha sa gawas sa gitrabahoan niini sa dihang naagian sa mga suspek nga iyaha rang mga kaila ug adtong tungora parehong hubog.

Matud pa gitabunan iyang baba ug giguyod kini sa likod sa building nga walay makakita ug didto gibanos-banosan siya paglugos.

“Sa likod sila, magkakilala kasi so yung confidence mo parang ikaw, tayo, magkakilala tayo hindi mo naman lubos akalain na gagawin sayo ng kaibigan mo yun. Knowing na nandoon ka because you are waiting for your boyfriend,” sigon ni Salvacion.

Dihang nigawas na ang uyab sa biktima, nisumbong kini sa gibuhat sa duha maong nilahus sila sa police station hinungdan sa gilusad nga operasyon ug nadakpan ang duha.

Karong adlaw’ng Lunes gikatakda nga pasakaan og tukmang kaso ang mga dinakpan. – IBM BANAT NEWS