P8.6 milyones drugas nasakmit sa tulo ka adlaw nga operasyon

CEBU, Philippines — Aron mapugngan ang mga krimen nga mahitabo atol sa selebrasyon sa 459th Fiesta Señor ug Sinulog Festival 2024 ang Police Regional Office (PRO)-7 nagpahigayon og Region-wide implementation sa anti-criminality operations gikan sa Enero 17 hangtud sa petsa 19, 2024.

Kini subay sa kamanduan ni Police Regional Office (PRO)-7 Regional Director Brigadier General Anthony Aberin kinsa mao sab ang Sinulog Task Force Commander.

Niresulta ang maong operasyon sa pagkompiskar sa P8.6 million nga balor sa illegal nga drugas diin niabot og 1,268.82 grams sa illegal nga drugas ang nasakmit ug 147 ka drug personalities.

Gawas sa illegal nga drugas nga nasakmit, nakakompiskar sab ang kapolisan og 130 ka loose firearms apil na ang surrendered firearms, upat ka explosives gikan sa 20 ka tawo nga nadakpan.

Sigon ni Brigadier General Aberin ang mga na-recover nga mga items gikan sa mga suspetsado posible nga makabalda sa solemnity ug kalinaw sa selebrasyon sa Sinulog Festival 2024.

Magpabilin sab ang Police Regional Office-7 sa pagpatuman sa precautionary measures aron masiguro ang kaluwasan sa mga deboto.

Samtang, sa illegal gambling operations 227 ka suspetsado ang nasikop ug moabot sa P19,551 nga bet money ang nakompiskar apil na mga gambling paraphernalia.

Sikop sab ang 130 ka wanted persons apil niini ang 20 ka most wanted ug gikustodiya na karon kapolisan.

"With our sole intention of ensuring the peaceful and secured celebration of the Sinulog 2024, we will maximize our efforts and resources with the aid of our security allies, suma ni PBGen Aberin.

Ang mga nadakpan gikatakda nga pasakaan og kaso ug ang mga ebidensiya gisumetir na sa Forensic Unit alang sa examination. — /MEL (BANAT NEWS)