Tulo ka minor de edad gikatahung nangawat og motorsiklo
CEBU, Philippines — Tulo ka minor de edad nga gisita tungod sa paglapas sa curfew ang gireklamo nga nangawat og motorsiklo sa lungsod sa Compostela.
Kini human motahu sa buhatan sa kapolisan ang tag-iya sa motorsiklo nga si Efren Tobil, 46 anyos nga gisakiyo sa maong mga minors ang iyang motor nga giparking diha sa Estaka sa nahisgutang lungsod. Ang tulo minor nga nagpanuigon og 16, 14 ug 13 anyos ang unang gisita sa mga barangay tanod tungod sa paglapas sa curfew ala 1:24 sa kaadlawon sa miaging Sabado.
Samtang gisukitsukit kini sa mga barangay tanod ang mga minor nagsunod usab kanila si Efren Tobil, 46 anyos nga taga Barangay Jubay sa Lungsod sa Liloan nga maoy tag-iya sa gisakyan nilang motorsiklo.
Gitugyan na ngadto sa buhatan sa Department of Social Welfare and Development DSWD 7 ang tulo ka mga minor de edad nga mga lalaki.
Si Patrolman Reynan Relampagos sa Compostela Police Station miingon nga ang kadaghanan sa mga minor nga malambigit sa pagpangawat ilang ipaubos sa imbestigasyon sa dili pa itugyan ngadto sa buhatan sa DSWD. — /MEL (BANAT NEWS)
- Latest
