Museo Oslob subling gibuksan sa publiko

CEBU, Philippines — Subay sa selebrasyon sa municipal heritage week giablihan pagbalik ngadto sa publiko ang Museo Oslob diin ang maong kalihokan gipangulohan sa kadagkoan sa lungsod kagahapon.

Ang maong museum anaa mahimutang sa Cuartel Heritage Park sa Barangay Poblacion sa maong lungsod diin makita ang nagkadaiyang hulagway sa “gentle giants” o butanding nga maoy sikat sa lungsod ilabi na sa Barangay Tan-awan.

Matud sa lokal nga kagamhanan sa Oslob nga sa pagkakaron aduna kini P50 nga admission rate ug abli ang museum gikan sa alas 8:00 sa buntag ngadto sa alas 5:00 sa hapon.

Gawas sa pag-abli sa Museo Oslob, gipadagan na usab ang mga tartanilya o kalesa  sa lungsod diin ang rota niini maggikan sa Cuartel Park padulong sa national highway sa Parangay Poblacion ug balik sa munisipyo.

Aduna kini ticket nga P20 alang sa mga gusto nga mo sakay niini nga mga hamtong samtang tag P10 usab sa mga nag-edad og 12-anyos paubos.

Ang operasyon sa tartanilya molungtad tibuok semana subay gihapon sa pagsaulog sa heritage week. (BANAT NEWS)