24th National Maritime  Week buksan karon

CEBU, Philippines —  Sugdan karong adlawa Domingo ang usa ka semana nga kalihukan sa 24th National Maritime Week diin pipila ka kalihukan ang giandam sa Maritime Industry Authority Central Visayas.

Kauban nga misuporta niini mao ang nagkadaiyang ahensya nga partners niini sama sa Cebu Port Authority; Cebu Maritime Group President Prince Batianciala; Coast Guard District Central Visayas CG Commodore Agapito Bibat; Bureau of Qurantine Dr. Terence Anthony J. Bermejo; Apostleship of the Sea Philippines Fr. John Mission.

Karong buntag adunay ipahigayon nga fluvial parade ug wreath lying para sa mga nahimong biktima sa trahedya sa kadagatan ilabi na kadtong mga seafarers.

Dunay pagpatingog sa mga sirbato sa kadagatan, dayon ang procession ngadto na sa pagpahigayon sa Santos nga misa.

Sa maong usa ka semana nga kalihukan adunay giandam nga mga aktibidades sama sa seminar on ship safety and design, shipyard visitation, Maritime Security Exercise, Maritime Safety Pre Summit Continuation, Maritime Tourism ug uban pa.

Matud pa ni Engr. Emmauel Carpio, Marina RO VII, bisan sa padayon nga mga hagit karon sa Maritime Industry sama sa pagtaas sa presyo sa petrolyo, modernization program ug uban pa, padayon lang gihapon sila nakig-alayon sa tanang ahensya alang sa pagpadayon sa pagpatuman sa hapsay, luwas ug malinawon nga biyahe sa mga sakyanang pandagat.

Lakip sa ilang gihimo mao ang padayon nga pagsusi sa mga barko kung compliant ba kini sa tanang rekisitos ug luwas ba kini sa ilang mga biyahe.

Gituki usab nila ni Carpio uban sa nagkadaiyang partner niini ang pag protiher usab sa kalikupan.

Ang mga stakeholders ug lainlain nga ahensya susama usab ug baruganan nga padayon ang ilang pagtinabangay alang sa mga programa ug kalihukan may kalabutan sa Maritime Industry sa Central visayas. (BANAT NEWS)